Воскресенье, 26.06.2022, 02:50
Приветствую Вас Гость | RSS

МБОУ "Курбусахская СОШ им.Н.Н.Окоемова

Меню сайта
Наш опрос
Оцените мой сайт
Всего ответов: 59
Статистика

Онлайн всего: 1
Гостей: 1
Пользователей: 0
Форма входа

Главная » 2021 » Декабрь » 4 » Ахсынньы 4 кунэ
13:01
Ахсынньы 4 кунэ

Ахсынньы 2 күнүгэр Уус-Алдан улууһун килбэйэр киинигэр Мүрү нэһилиэгэр Аан дойду виртуоз хомусчута, Россия үтүөлээх артыыһа Петр Петрович Оҕотоойоп 60 сааһыгар аналлаах «Хомуһуннаах хомусчут аата – үйэлэргэ» ахтыы киэһэтэ буолан ааста. Бу киэһэ Петр Петрович туһунан олус элбэх иһирэх кэпсэтии, ахтан санаан бииргэ төрөөбүттэрэ, доҕотторо, бииргэ алтыспыт дьоно сэргэтэ кыттыыны ыллылар. Улуус салалтата, улуустааҕы культура управлениета, Аан дойдутааҕы хомус түмэлин үлэһиттэрэ анаан-минээн суолта ууран кэлэн кыттыыны ыллылар. Ахтыы киэһэтэ 11 төгүлүн ыытыллыбыт Саха республикатын культуратын туйгуна, В.Д.Лонгинов аатынан Тандатааҕы норуот айымньытын киинин директора, импровизатор хомусчут Альберт Находкин авторскай проегынан ыытыллыбыт «Хомус Кырдала» хомусчуттар күрэхтэрин кыайыылаахтарын биллэрэр бото болдьох чааһынан түмүктэннэ. Күрэххэ барыта 160 кыттааччы уонна 13 бөлөх Чурапчыттан, Томпоттон, Амматтан, Орто Халыматтан, Сунтаартан, Тааттаттан, Намтан,Кэбээйиттэн, Мирнэйтэн,Хаҥаластан, Ньурбаттан,Бүлүүттэн,Мэҥэ Хаҥаластан, Үөһээ Дьааҥыттан, Абыйтан, Уус алдантан, Дьоккуускай куораттан, Башкортостан өрөспүүбүлүкэтиттэн кытыннылар. Быйылгы күрэхпитигэр дьүүллүүр сүбэҕэ үлэлээтилэр: Альбина Михайловна Дегтярева-Аан дойду виртуоз-хомусчута, Саха өрөспүүбүлүкэтин үтүөлээх артыыһа, Эркин Павлович Алексеев-импровизатор хомусчут, Хомус Аан дойдутааҕы түмэлин учуонай сэкэрэтээрэ, Дмитрий Дмитриевич Бэстиинэп- Аан дойдутааҕы хомус түмэлин директора, Туяра Анатольевна Жиркова-импровизатор хомусчут, хомус Аан дойдутааҕы түмэлин экспозиционнай выстовочнай отделын сэбиэдийиссэйэ. Дьүүллүүр сүбэ түмүгүнэн биирдиилээн толорууга 12-17 саастарыгар диэри группаҕа 1 степеннээх лауреат үрдүк аатын ылла Айыына Троева-Уус Алдан улууһа Кэптэни бөһүөлэгэ уонна Аан дойдутааҕы хомус түмэлэ туруорбут хомуһунан наҕараадаланна. 2 степеннээх лауреат- Элеонора Дегтярева Уус Алдан Мүрү нэһилиэгэ. Бороҕоҥҥо олорор биир дойдулаахтарбыт Августина Кононовна, Эдуард Петрович Васильевтар туруорбут бириистэрин тутта 3 степеннээх лауреат аатын ылла Айаал Сивцев. Уус-Алдан Дүпсүн нэһилиэгэ бирииһи туруорда Тандатааҕы баһаарынай чаас коллектива. 1 степеннээх дипломант аатын сүгэр Олеся Винокурова. Уус-Алдан улууһа Курбуһах нэһилиэгэ. Уус Алдан улууһун уонна В.Д.Лонгинов аатынан Тандатааҕы норуот айымньытын киинэ туруорбут анал статуэтканан наҕараадаланна. 2 степеннээх дипломант буолла Лилия Кычкина. Таатта улууһа, Чычымах нэһилиэгэ. 3 степеннээх дипломант аатын ылла Алексей Федоров. Дьоккуускай куорат. 18-35 саастарыгар диэри биирдиилээн толорууга кыайыылаахтарга 1 степеннээх лауреат аатын ылан бу категорияҕа кыайыылааҕынан тахсар Игорь Игнатьев. Мэҥэ Хаҥалас улууһа. Майа нэһилиэгэ. Уонна Уус-Алдан улууһун Сыырдаахха олорор хомус ууһа Александр Афанасьевич Шепелев оҥорбут хомуһун ылла 2 степеннээх лауреатынан буолла Андрей Колодезников. Томпо улууһа. Хаандыга бөһүөлэгэ. Бирииһи Тандаттан төрүттээх биир дойдулаахтарбыт туруорбут бириистэрин тутта. 3 степеннээх лауреат үрдүк аатын сүгэр Надежда Варламова. Дьоккуускай куорат. Бирииһи туруорда ИП Влас Власьевич Матвеев. 1 степеннээх дипломант аата тиксэр Дарина Захарова. Дьоккуускай куорат. 2 степеннээх дипломант аатын ылаллар Светлана Ильина. Покровскай куорат, Милена Рязанская. Нам улууһа. 3 степеннээх дипломанынан буолла Варвара Турнина. Чурапчы улууһа. Кытаанах нэһилиэгэ 35 саастарыттан үөһээ саастаахтарга: 1 степеннээх лауреат аатын ылан бу саастаахтарга кыайыылааҕынан тахсар Марианна Слепцова. Чурапчы улууһа. Чурапчы бөһүөлэгэ. Бириис спонсора Уус-Алдан улууһун Байаҕантай нэһилиэгин хомус ууһа Тордуянов Гаврил Иванович илиититтэн хомус тутта. 2 степеннээх лауреатынан буолла Айталина Заборовская. Үөһээ Дьааҥы улууһа. ИП Неустроев Алексей Михайлович «Тандинка» маҕаһыын бирииһинэн наҕараадаланна. 3 степеннээх лауреат үрдүк аатын ылар Вера Егорова. Дьоккуускай куорат. Бирииһи туруорда Тандатааҕы ДЬУОКХ коллектива. 1 степеннээх дипломант буолла Дьулустан Заболоцкай. Уус Алдан улууһа. Чараҥ бөһүөлэгэ. 2 степеннээх дипломант аатын сүгэр Виктория Леонтьева. Бүлүү куората. 3 степеннээх дипломант аатын ылар Егор Ширяев. Уус - Алдан улууһа. Бэрт Ууһун нэһилиэгэ. Хомуһу бөлөҕүнэн толорууга оҕолорго: 1 миэстэни ылаллар Уус Алдан улууһун Курбуһах нэһилиэгиттэн «Сардаҥа» бөлөх. Салайааччы Василий Тимофеевич Тимофеев уонна Петр Оҕотоойоп одноклассниктара туруорбут бириистэрин ыллылар. 2 миэстэни ылары ситистилэр «Арылхан» бөлөх. Уус Алдан улууһа Тулуна бөһүөлэгэ. Салайааччы Людмила Ивановна Жиркова. Бирииһи туруорда Кэптэнитээҕи П.П.Оҕотоойоп аатынан сынньалаҥ киинэ. 3 миэстэни ыллылар Чурапчы улууһун Чурапчытыттан «Айгыл» бөлөх. Салайааччы Марианна Михайловна Слепцова. Бириис спонсора ИП Заболоцкая Иваника Ивановна «Аартык» маҕаһыын Улахан дьоҥҥо бөлөҕүнэн толорууга: 1 миэстэни ылаллар «Дьүрүскэн» бөлөх. Уус-Алдан улууһа. Тулуна нэһилиэгэ. Салайааччылар Ньургуяна Иннокентьевна Куприянова, Людмила Ивановна Жиркова. Уонна Петр Оҕотоойоп бииргэ үөрэммит доҕотторун бирииһин туттулар. 2 миэстэҕэ тиксэллэр Томпо улууһун Хаандыгатыттан «Дэгэрэҥ» бөлөх. Салайааччы Лидия Михайловна Борисова. Бирииһи туруордулар Тандатааҕы РЭС, музей, библиотека коллективтара 3 миэстэни ыллылар «Ситим». Уус Алдан улууһа Дүпсүн бөһүөлэгэ. Салайааччылар Ульяна Ильинична Босикова, Ньургуяна Валентиновна Стручкова. Бирииһи туруордулар Тандаттан төрүттээх Бороҕоҥҥо олорор биир дойдулаахтарбыт. Бука бары лауреаттар уонна дипломаннар, ону тэҥэ тэрээһиҥҥэ көмөлөспүт спонсордар Уус Алдан улууһун культураҕа управлениета уонна В.Д.Лонгинов аатынан Тандатааҕы норуот айымньытын киинэ спонсордаабыт бириистэрин «Хомус Кырдала» күрэх бэлиэлээх статуеткалары сылаас илиилэригэр туттулар. Анал номинация «Кыайыыга дьулуурун иһин" туттарыллынна Саввинова Туяра Ньурба нэһилиэгэ. Н.В. Готовцев Тандатааҕы врачебнай амбулатория олохтообут бирииһин тутта. Дьэ уонна «Хомус Кырдала 2021» муҥур кыайыылааҕынан «Чыпчаал аат» хаһаайыннарынан таҕыстылар «Кэскил» бөлөх. Уус Алдан улууһа Дүпсүн нэһилиэгэ. Бирииһи олохтоотулар Байаҕантай нэьилиэгин дьаһалтата, М.Н. Готовцев аатынан Танда орто оскуолата, «Кэнчээри» оҕо саада, Улуустааҕы хомус тумсуутун ассоцацията. Өрөгөйдөөх, дьоро киэһэ күргүөмүнэн хомус тардыытынан түмүктэннэ. «Хомус Кырдала» күрэхтэн олус элбэх талааннар үүнэн-сайдан тахсаллар, инникитин даҕаны бу күрэхтэн Сахабыт сирин ааттатар хомусчуттар тахса турдуннар. Бука бары тэрийээччилэргэ спонсордарга истиҥ махталбытын тиэрдэбит.


Василий Тимофеевыьы, "Сардана" белех озолорун ситиьиилэринэн эзэрдэлиибит, киэн туттабыт!

 

Просмотров: 126 | Добавил: kurbsosh | Рейтинг: 0.0/0
Всего комментариев: 0
Имя *:
Email *:
Код *:
ЕГЭ и ОГЭ
ТЕЛЕФОН ДОВЕРИЯ
+7(4112)421028
+7(495)1046838
ГОРЯЧАЯ ЛИНИЯ
ЕГЭ +7(4112)421046
ОГЭ +7(4112)421048
+7(495)9848919
ТЕЛЕФОН ШКОЛЫ
+7(41161)24409
+7(41161)24404
Поиск
Календарь
«  Декабрь 2021  »
ПнВтСрЧтПтСбВс
  12345
6789101112
13141516171819
20212223242526
2728293031

Copyright MyCorp © 2022
Создать бесплатный сайт с uCoz